Dihiji Poe aya salah sahiji Dokter Spesialis Jantung Maot, keur mengenang jasa eta dokter dina makamna aya Patung anu bentukna siga jantung. Proses Pemakaman ge beres kalayan khidmat.
Selang saminggu ti harita aya deui dokter nu maot nyaeta dokter spesialis gigi, atuh geuwat anak na teh nyieun patung anu bentukna huntu pas luhureun batu nisan na pisan. Proses pemakaman ge beres kalayan khidmat, kabeh dokter dokter babaturana anu ngalayat eta mulang ka tempatna sewang sewangan.
Selang du minggu ti harita aya dokter spesialis mata di cicendo anu maot deui wae, atuh budakna geuwat pesen patung anu bentukna mata keur ditempatkeun luhureun batu nisan na. acara ge beres kalayan khidmat kabeh rek marulang, sanggeus rekan rekan dokter nu liana geus aya meureun sapuluh lengkahmah, aya hiji dokter lalaki anu keur nginghak keneh ceurik dina kuburan, terus di sampeurkeun ku salah sahiji babaturanna bari ngomong, geus kang tong diceungceurikan teuing, da geus takdirna, memang minggu minggu ayeuna loba pisan dokter anu maot, babaturan urang sarerea, da ari geus ninggang kana waktu namah moal bisa dihalangan, ngomongna teh bari dareuda.
Atuh si dokter nu keur nginghak teh cengkat...terus ngomong ka babaturanna... lain kitu yi akang mah, akang ge pasti sadar yen jalma nu hirup mah bakal maot, ngan nu jadi pikiran akang mah lamun engke akang maot kumaha.?, naha dina batu nisan na rek make patung kitu jiga dokter dokter nu lainna, heu pan apal sorangan akang mah dokter spesialis kulit & Kelamin.